انسانن کي به عجيب وغريب پريشانيون مٿي تي کڻڻ جوشوق هوندو آهي.جيئن انگريزي واري پِرائيويسي(privacy).انسان ويچارو ڄمي ڪهڙي پرائيوسي ۾ ٿوسا دائي ۽ هاڻي وري ڊاڪٽرياڻين کان ڳجھي ڪونهي.مري ٿو ته غسل ڏيڻ واري مولوي صاحب کان به ڳجھي ڪونهي.خير ان جو مقصد قطعي اهو نه آهي ته ڪپڙن جو خرچ گھٽائي ٻين جي اکين ۽ هانءُ کي خراب ڪجي.ان ڪري اهو سٺو آهي ته عيد تي ته مورڳو درزين کي اوجاڳا ڪرڻا پون ٿا،ڪپڙي کي انساني جسم ڍڪڻ لائق بڻائڻ لاءِ،جيڪو انسان کي خوبصورتي بخشي ٿو.تنهنڪري ان ۾ ڪوشڪ نه آهي ته پِرائيوسي سٺي آهي.
پر ان سان سان گڏ انسان کي ان ڳاله تي به غور ڪرڻو پوندو ته سندس پّرائي وسي ڪيتري آهي،بي وسي ڪيتري آهي.
ڪنهن به انسان جي هن فاني جهان مان گذري وڃڻ کانپوءِ سندس تعريف ڪرڻ هڪ سٺو رواج آهي.ڀلا جي ساڳئي انسان کي جيئري ئي عزت ڏجي،پيار ڏجي،گلا نه ڪجيس ته ان ۾ ڪهڙو نقصان آهي.
اڄوڪي مون واري لکڻي به لکي لکانو پڙهي الانو لڳي پئي آهي،پر اهڙي دليري سان پيو لکان،جھڙوڪر ڪو وڏو ليکڪ ۽ اديب هجان.پر منهنجو لکڻ جو شوق ان ٻار وانگر آهي،جيڪو الف بي لکڻ سکي سمجھندوآهي ته مون وڏي ڪاميابي ماڻي ورتي آهي.
الله سائين ڀلو ڪري هنن گوگل وارن جو جن هي بلاگن جي سهولت ميسر ڪئي آهي،جن جيڪي وڻيو سو لکو.جھڙو لکو پبلش ڪريو صرف هڪڙي ٽڪ سان.باقي هتي اخبارن ۽ رسالن وارا ته هڪ سٽ به مون جھڙي جي ڪونه ڇپيندا.
ٻيو مهرباني آهي سنڌ سلامت واري دوستن جي جن هي بلاگنگ سيکاري.
وري ملندا سون ڪنهن نئين پوسٽ ۾.
No comments:
جيڪڏهن ممڪن هجي ته پنهنجو تبصرو موڪليو
اهم اطلاع :- غير متعلق، غير اخلاقي ۽ ذاتيارت تي مشتمل تبصرن کان پرهيز ڪريو. انتظاميه اهڙي تبصري کي ختم ڪرڻ جو حق رکي ٿي. هوئن به خيالن جو متفق هجڻ ضروري ناهي.۔ جيڪڏهن توهان جي ڪمپيوٽر ۾ سنڌي ڪيبورڊ انسٽال ٿيل ناهي ته سنڌي ۾ تبصرو لکڻ لاءِ هيٺين خاني ۾ سنڌي لکي ڪاپي ڪريو ۽ تبصري واري خاني ۾ پيسٽ ڪري پبلش بٽڻ تي ڪلڪ ڪريو.۔تبصرو موڪليو