انسان به صفا ڪو دنگ ڪري ڇڏيو آهي.سمنڊ،خلا،ڪهڪشائن جي باري ۾ علم ۾ ڏاڍي ترقي ڪئي اٿس.سائنس،ٽيڪنالاجي ۾ وڏي ترقي ڪئي اٿس.تيز سوارين فاصلا گھٽائي ڇڏيا آهن.مواصلاتي ذريعن جي ترقي ته دنيا کي هڪ گلوبل ڳوٺ بڻائي ڇڏيو آهي.مريخ تي وڃڻ جي تيارين ۾ لڳل،ڪهڪشائن ۾ زندگي جو متلاشي هي انسان عاجز آهي ته هڪ ٻئي جي پريشانين ۽ دردن کي سمجھڻ کان.
وڌ ۾ وڌ بجيٽ بارود تي پئي کپي.جيڪو انسان سئي جي ٽنبجڻ جي سورجي سهپ نه ٿو رکي، سوپاڻ جهڙن کي مارڻ لاءِ ائٽم بمن جا انبار لڳائڻ ۾ لڳو پيو آهي.
وڏو الميو انسان جو اهو آهي جو سور،تڪليف،پيڙا،درد،ڏک جيڪي کيس ڏکيا ٿا لڳن.تن کان بچڻ لاءِ ٻين لاءِ وري تيار ڪرڻ ۾ لڳو پيو آهي.
ننڍڙين ننڍڙين کڏڙين ۾ هن ننڍڙي دنيا کي ورهائي،ٻين جون کڏڙيون ڊاهڻ ۾ لڳو پيو آهي.
انسانيت! انسانيت! انسانيت! انسانيت! جو نعرو برابر زورن تي آهي.پرنفسي! نفسي ! جي لاءِ عمل عروج تي آهن.
طبقاتي ورهاست جون نظرنه ايندڙ ڀتيون ايتريون ته ٿلهيون آهن.جو هڪ طبقو ٻئي طبقي کي روبٽڪ يا خلائي مخلوق سمجھڻ لڳو آهي.
انسان وڌ ۾ وڌ جيڪا ڳاله سندس باري ۾ سکي سکيو آهي سا آهي ورهاست،ونڊ ورڇ،ويڇا،فرق،نفرتون.
ترقي ته ڏاڍي ڪئي اٿس،پنهنجي لاءِ سهولتن جا انبار لڳائي ڇڏيا اٿس،جيڪي ڪنهن وقت ۾ بادشاهن کي به ميسر نه هئا.
سڀ ڪجھ جي باوجود انسان پنهنجي ڪمزورين جي ڪامپليڪس مان نڪري نه سگھيو آهي.پنهنجو پاڻ کان سندس خوف به عروج تي آهيس،جيڪو غالب اٿس،ان جي غلبي جي ڪري هڪٻئي تي هٿيار تاڻيو هلي.
انسان پنهنجي لاءِ امن جو ميڪنيزم ڪيڏو نه عجيب تيار ڪيو آهي.جڏهن سڀ ڌريون جنگ لاءِ هڪجيتريون تيارهونديون ته امن رهندو،نه ته جنگيون يقيني آهن.
واه!ڙي پياري مخلوق انسان تنهنجا پنهنجو پاڻ کان ايترا مفاصلا جيڪي ڌرتي کان هزارين نوري سالن تي موجود ڪهڪشائن ۾ موجود گرهن کان به وڌيڪ آهن.
No comments:
جيڪڏهن ممڪن هجي ته پنهنجو تبصرو موڪليو
اهم اطلاع :- غير متعلق، غير اخلاقي ۽ ذاتيارت تي مشتمل تبصرن کان پرهيز ڪريو. انتظاميه اهڙي تبصري کي ختم ڪرڻ جو حق رکي ٿي. هوئن به خيالن جو متفق هجڻ ضروري ناهي.۔ جيڪڏهن توهان جي ڪمپيوٽر ۾ سنڌي ڪيبورڊ انسٽال ٿيل ناهي ته سنڌي ۾ تبصرو لکڻ لاءِ هيٺين خاني ۾ سنڌي لکي ڪاپي ڪريو ۽ تبصري واري خاني ۾ پيسٽ ڪري پبلش بٽڻ تي ڪلڪ ڪريو.۔تبصرو موڪليو