زيرو مان هيرو

زيرو مان هيرو

اسڪول جي استاد طرفان سائنس جي مضمون ۾ نااهل قرارڏنل شاگرد نوبل پرائز کٽي ورتو. اسڪول طرفان جاري ڪيل ان رپورٽ ۾ لکيو ويو هو ته هن کي سائنس پڙهائڻ هن جو پنهنجو ۽ پڙهائڻ وارن جو وقت زيان ڪرڻ آهي.
 نوبل پرائز کٽيندڙبرطانوي سائنسدان جان بي گورڊن(John b Gurdon) سنه 1949 ع ۾  ايٽن ڪاليج(Eton College) جو شاگرد هو. هن 15 ساله شاگرد امتحان ۾ بائلاجيءَ جي مضمون ۾ پنهنجي 250 هم ڪلاسين ۾ سڀ کان گھٽ مارڪون کنيون. سائنس جي ٻين مضمونن ۾ به سندس مارڪون گھٽ هيون.

School report for Nobel prize winner Dr John Gurdon from his days studying Biology at Eton College in 1949

ان ڪري هن اڳتي پڙهائيءَ جي لاءِ classics ۾ داخلا ورتي، جنهن کي وري زولاجيءَ جي مضمون ۾ تبديل ڪرايائين.
آڪسفورڊ ۾ پوسٽ گريجوئيٽ جو شاگرد هجڻ جي دوران هن تحقيق شايع ڪئي ۽ پهرين دفعي اهو ثابت ڪيائين ته جسم جي هر سيل(cell) ۾ ساڳيائي جينس(genes) هوندا آهن.هن هڪ بالغ ڏيڏر جي آنڊي مان هڪ سيل ڪڍي ان مان جينس(genes) کي ڪڍيو ۽ ان کي بيضي جي سيل(egg cell) ۾ لڳايو،ته ان جين(gene) مان ان بالغ ڏيڏر جو ڪلون(clone) پيدا ٿي پيو.ان تحقيق جي بنياد تي ئي پروفيسرIan Wilmut  سنه 1996ع ۾ ڊولي رڍ جي ڪلوننگ ڪئي.
پنهجي ڪم واري ڊيسڪ تي هن وقت به  اسڪول مان مليل اها رپورٽ هن وٽ فريم ڪرائي رکيل آهي.

Sir John Gurdon with the framed school report (Clara Molden)

سنه 2012 ع ۾ فزيالاجي يا ميڊسن  جو نوبل پرائزبرطانيا جي سر جان بي گورڊن( Sir b Gurdon)  ۽ جپان جي شنيا يماناڪا(Shinya Yamanaka) کي گڏيل طور ڏنو ويو.انهن ٻنهيءَ کي ان دريافت تي ته ”mature cells can be reprogrammed to become pluripotent“ يعني بالغ سيلس کي وري پوئتي ڪري ان کي pluripotent سيل ۾ تبديل ڪري سگھجي ٿو،    انهيءَ اعزاز سان نوازيو ويو.pluripotent cells اسٽيم سيلس(stem cells)  جو هڪ قسم آهي.اسٽيم سيلس جسم جا اهي سيل آهن، جن ۾ جسم جي مختلف سيلس جي قسمن ۾ تبديل ٿيڻ جي صلاحيت هوندي آهي،هنن جي هڪڙي اها اهم خاصيت هوندي آهي ته اهي پنهنجو پاڻ کي نئون ڪري سگھندا آهن يا تعداد ۾ وڌندا ويندا آهن ،جڏهن ته ان دوران هو پنهنجي ٻين سيلس ۾ تبديل ٿيڻ جي صلاحيت به برقرار رکن ٿا.اسٽيم سيل رت،دل،هڏن،چمڙي،مشڪن ۽ دماغ جي سيل ۾ تبديل ٿي سگھن ٿا.

حوالا
www.nobelprize.org
www.news.net
en.wikipedia.org
www.telegraph.co.uk